( اسلام الحامدي )
مع غادة محمد
موضوعنا النهاردة عن (الحب ومشاكله)
كلنا حبينا واتحبينا وانجرحنا وجرحنا ومع ذالك كملنا حياتنا ومشينا في حب جديد
لكن فعلا الحب الاول ممكن يتنسي او الحب الاول يبقي سبب تعاستك ده هنشوفه في المشاكل الجاية
❤❤❤❤❤
اول مشكلة بيقول
انا حبيت واحدة من ثانوي وكنت بذاكر ليل نهار عشان ادخل معاها كليه الطب واشرفها قدام اهلها لما اخلص واتقدملها مش هطول علي حضرتك
خلصت دراسه والحمدلله ربنا كرمني بشغل ومدخلتش جيش والحمدلله ربنا رزقني وبقيت جدير بيها واتخطبنا لكن بعد الخطوبة اتغيرت خالص مبقتش الانسانه اللي حبيتها بقيت تبص لكل اللي اعلي مننا وعاوزة تبقي زيهم وانا كنت بعمل اللي في وسعي عشان احقق احلمها جات قبل الفرح باسبوع عاوزاني اعمل فرح في فندق غالي وانا امكانياتي مش تسمح قامت رمتلي الدبله وسابتني ومشيت حاولت اصالحها بس مفيش فايده وانا مقدرتش اجي علي كرامتي وافترقنا
بعدها بشهر هي اتجوزت لواحد غني ومعاه امكانيات اعلي وهيعيشها هاي مزعلتش والله بس مش قادر انساها قوليلي اعمل ايه
_انا رأيي تنساها دي بتدور علي فلوس وبس وبكرة هيتردلها الجرح اشد مش تستاهلك وبكرة تلاقي بنت الحلال اللي تقف جمبك مش تتخلي عنك
❤❤❤❤❤
تاني مشكله بتقول
انا حبيت ابني عمي اوي وكنت بغير عليه من الهوا الطاير وكان كل حياتي جه يوم وصارحته بحبي ده قالي انتي اختي الصغيرة وبس وانه بيحب واحده وهيتقدملها قريب انا اتضايقت وكنت هنتحر بس رجعت فكرت وقولت مش ده اللي اموت عاصية ربنا عشان وقولت يمكن ربنا يكرمني بواحد كويس
بعد فتره قلبي مال لانسان كويس زميلي في الشغل وهو بيادلني نفس الشعور وطلب انه يجي البيت ويقابل بابا روحت قولت لبابا قالي لا ابن عمك فسخ خطوبته وعاوزك لما قولت لا حلف طلاق علي امي اني هتجوزه غصب قولولي اعمل ايه انا مش عاوزه حد باعني
_بصي حبيبتي صلي استخارة واهدي وعرفي والدك براحة اللي دار بينكم وفهميه براحة انه اللي رفض من الاول ميرجعش ياخد حاجه بقيت نصيب غيره
وربنا ييسرلك الخير يارب
❤❤❤❤
خلصت حلقتنا النهارده ونشوفكم علي خير في حلقه جديدة من همسات القلوب .
